'
Plectro.it
Aforismi
Ci vuole saggezza per comprendere la saggezza. La musica non è nulla se il pubblico è sordo.
(W. Lippermann)
Plectro.it
Testi Canzoni Napoletane
Menu
- Serenata Napoletana
- Funiculì Funiculà
- O Sole mio
- Era de maggio
- E spingule Frangese
- Tammurriata nera
- Canzone appassiunata
- Lo Guarracino
Serenata Napoletana
Di Giacomo - CostaDimme, dimme, a chi pienze assettata
sola sola, addereto a sti llastre?
nfacci' 'o muro 'e rimpètto stampata
veco n'ombra e chest'ombra sì tu!
Fresca è 'a notte: na luna d'argiento
saglie ncielo e cchiù ghianca addeventa:
e nu sciato, ogne tanto, d' 'o viento
mmiez' a st'aria se sente passá...
Ah, che notte, ah, che notte!...
Ma pecché nun t'affacce?
ma pecché, ma pecché mme ne cacce,
Catarí', senza manco parlá?...
Ma ce sta nu destino,
e io ce credo e ce spero...
Catarí'! nun è overo!
tu cuntenta nun si'!...
II
Catarí', Catarí', mm' e' lassato,
tutto nzieme st'ammore è fernuto:
tutto nzieme t' e' scíveto a n'ato,
mm' e' nchiantato e mm' e' ditto bonní!
E a chist'ato ca tu mo vuo' bene,
staie penzanno e, scetata, ll'aspiette;
ma chist'ato stasera nun vene
e maie cchiù, t' 'o dico io, venarrá!...
No! nun vene, nun vene...
Ll'aggio visto p' 'a strada
cammená, core a core, cu n'ata...
e, rerenno, parlavano 'e te...
Tu si' stata traduta!
Tu si' stata lassata!
Tu si' stata 'nchiantata!
Pure tu! Pure tu!...